Charlie Hebdo-nun sağ qalan əməkdaşları “Liberation” qəzetində oturacaqlar
Fransanın “Liberation” qəzeti hücuma məruz qalmış “Charlie Hebdo” satirik dərgisinin əməkdaşlarınına öz ofislərində yer vermək qərarına gəlib. Bu barədə qəzetin redaktoru redaktoru Pierre Fraidenraich yanvarın 9-da məlumat verib:
“Bu bizim üçün təbiidir. Uzun müddət “Charlie Hebdo” və “Liberation” qardaş kimi olub. Bu, məsləkdaşlıq, birlik kimidir. 2011-ci ildə, onlara olan son hücumdan sonra biz həmkarlarımızı məmnuniyyətlə qəbul etmişdik. Yenə də onlar burada bizimlə istədikləri qədər qala bilərlər. Bir il, iki il olsun, heç bir problem deyil. Mənim ən yaxşı arzum isə yeni bina tapmalarıdır.”
Yanvarın 7-də silahlı şəxslər “Charlie Hebdo” satirik dərgisinin ofisinə hücum edərək orada 12 əməkdaşı öldürüblər.
Parisdə #hebdo dramı yeni hadisələrlə davam edir. Fransa polisi axtardığı daha 2 şübhəlinin fotolarını yayır http://t.co/mVI9YKHO6U
— AzadliqRadiosu (@RadioAzadliq) 9.1.2015
İŞİD adından açıqlama iddiası
İŞİD-ə yaxın olduğu iddia edilən Twitter hesabında Fransadakı terror hadisəsi dəstəkənir.
Parisdə mağazada daha 2 nəfər öldürülüb
Fransa polisi ölkənin şərqində, yəhudi ərzaq dükanında 5 nəfəri girov götürən 2 yaraqlının adlarını açıqlayıb.
Onlardan birinin 32 yaşlı Amedy Caulibali (Amedi Kulibali), digərinin isə 26 yaşlı qadın Hayat Boumeddiene ( Hayat Bumedin) olduğu bildirilir.
Həmin qadın da yanvarın 8-də Parisin cənubunda polis əməkdaşının qətlində şübhəli bilinir.
Polis onların silahlı və çıx təhlükəli olduğunu deyir.
Frans Press agentliyinin rəsmi mənbələrə istinadla mağazada azı 2 nəfərin öldürüldüyünü xəbər verir.
Onların yanvarın 7-də Parisdə Şarli Ebdu jurnalına silahlı hücum edən Cherif və Said Kouachi qardaşları ilə eyni qurupun üzvləri olduqları bildirilir.